| 文章一覽：[分享]香港智能身份證 ~~ (好好笑) (新回覆在最前面,最多列出 6 個) [列出所有回覆] |
| hehehaha |
發表於： 2006/06/24 04:49am |
香港智能身份證 ~~ (好好笑)
接線生 : 超記薄餅店, 請問有乜野幫倒你......
顧客 : 喂,我想叫......
接線生 : 先生, 請你比你既智能咭號碼.
顧客 : 呀, 請等等, 12345678.
接線生 : 陳先生你好, 你係住係元州街1號二樓,
你屋企電話係53541177,你公司電話係70861366,
> 你手提電話係93945354.
請問你依架用邊個電話打呢?
顧客 : 屋企, 點解你知道我所有電話號碼?
接線生 : 陳先生,因為我地接通左智能系統.
顧客 : 我想要一個海鮮薄餅...
接線生 : 陳先生, 海鮮薄餅唔arm你.
顧客 : 點解?
接線生 : 因為根據你既醫療紀錄,
你有血壓高兼膽固醇偏高.
顧客 : o下?...咁你有乜好介紹.
接線生 : 你可以試試我地既低脂健康薄餅.
顧客 : 你點知我中意食呢種?
接線生 : 哦,
你係上星期一係中央圖書館借過本低脂健康食譜.
顧客 : 哎呀, 好啦, 我要個特大家庭裝薄餅,
幾多錢?
接線生 : 唔, 加多個都夠你一家十口食，仲好啦,
盛惠280蚊啦.
顧客 : 可唔可以用信用卡?
接線生 : 陳先生, 唔好意思,
請你用現金找數,因為你既信用卡已經過晒額，
你而家仲欠銀行$3,344.44卡數未找.
仲有,提提你，你今期仲未供樓喎.
顧客 : 哦, 咁我去附近提款機提定錢先.
接線生 : 陳先生, 拫據你既記錄,
你今日提款機提款限額已經過左額.
顧客 : 唔好懶叻, 送薄餅先啦, 我有錢係度.
幾時送到呀!
接線生 : 大約45分鐘,
如果唔等得，可以你自己開車o黎.
顧客 : 乜話!你點知我有車？
接線生 : 拫據系統記錄, 你有一架綿羊仔,
號碼係PK1366.
顧客 : @#&***##%?:*&@*%$
接線生 : 陳先生,
請你小心你既說話.你係1997年7月14日曾經用粗口鬧警察,判左有罪.
顧客 : ...............
接線生 : 請問仲要D乜呢?
顧客 : 無喇, 呀係唔係有三罐頭可樂送?
接線生 : 係,
不過拫據系統記錄你有糖尿病..................
|
| |
|
