緣生術數研究社

以純文字方式查看主題

- 緣生術數研究社 (http://leold.yuensang.com/cgi-bin/leobbs.cgi)
-- 【潮流特區】 (http://leold.yuensang.com/cgi-bin/forums.cgi?forum=26)
--- 電子資訊版 (http://leold.yuensang.com/cgi-bin/forums.cgi?forum=29)
---- 【人物專訪】林海峰發口翕風 ※ 當年今日 (http://leold.yuensang.com/cgi-bin/topic.cgi?forum=29&topic=1274)

-- 作者：德吉千瀚
-- 發表時間： 2009/09/11 08:56pm
[這篇文章最後由德吉千瀚在 2009/09/11 09:05pm 第 1 次編輯]

[color=#C10066] 
[size=5] 林海峰發口翕風
[/size]
[/color]
 
[color=#2F4F4F]
【明報專訊】娛樂圈，原來有人可以做AV攝影大師，有人太傻又太天真，我們還可以在黃潮中找到唞唞氣、笑一笑的空間嗎？相信要靠林海峰的「棟篤笑」功力了，即將在23日踏上紅館繼續他的「棟篤笑」第三部曲，從新伊館「是但噏發花顛」開到會展「是但口翕噏踎足否低噴飯」，再踩到紅館開「是但口翕求其大合唱」，且4場連爆，何解如此多人願意拿450元買飛聽他「是但口翕」？某年某月某日當林海峰還是台下觀眾，聽許冠文在台上棟篤笑時，他曾經發問同樣問題，接着就說﹕「我都得啦！」結果，今日自己站在台上，才知老闆俞琤當日贈言﹕「台上幾分鐘，台下十年功！做多啲準備工夫啦，細路！」原來字字珠璣。
能夠在紅館休館裝修前，可以在此處開騷，林海峰（Jan）形容﹕「威水過抽到新股，而且我包保大家有高清睇。」高+清，是指現場會增設很多熒光幕，會掛得好高，令大家能夠在紅館每個角度都睇得清楚林海峰。
踏完伊館會展踩紅館
「Jan，你從新伊館做到會展，再踩入紅館，是否代表你自己好有信心，令觀眾聽到你把聲就笑？」不過還未開騷已經爆滿，票房已是最好的反映。
他搖搖頭說﹕「我真係無乜信心，並不是我謙虛，在紅館試做，是因為難得有檔期，既然好運過抽到新股，就試一試吧；今次構思的大前提，就如我的海報一樣——希望大家可以笑！因為根據一項調查顯示，2007年香港人的快樂指數最高，我覺得好大因素是大家都在股壇上賺到笑，而且經濟亦好轉了，所以笑得出。」他覺得這個「笑」的概念，若是換了5年前一定難令觀眾有共鳴，即使兩年前他穿上金色衫在金屋中踎地食飯盒，拍了「踎低噴飯」海報，也就是象徵當時很多香港人身光頸靚，其實仍是負資產捱窮要供樓，但今時今日的香港人大部分都「脫苦海」，所以他就用「笑」來讓觀眾共鳴。
上一次一句金句「超低能、勁搞笑…」依然被人講到現在，他坦言這就是做「棟篤笑」的滿足感，能夠令香港人買飛入場，然後再把他的金句一再「傳播」，有如傳染病一樣無孔不入，就好有成就感，所以他希望今次大家睇完他的騷，同樣會留下深刻印象，然後帶走再「傳播」出去。
被許冠文感染做棟篤笑
「Jan，香港的棟篤笑有三位大師級，除你之外，就是許冠文與黃子華，你怎樣看這兩位大師級和自己的比較？」
他即說﹕「無得比，我根本不能夠跟他們比較，因許冠文是殿堂級大師，黃子華亦都是大師級，而我自己只是學師級。」
不過，他不得不提今日他做棟篤笑，就是深受許冠文影響，Jan說﹕「細細個時，見到許冠文每次出來表演都是一個人，但好神奇，他講什麼都引來台下觀眾大笑，好像拿了魔術棒的魔術師一樣，只要揮一揮棒大家就笑。」當時他坐在台下就說﹕「引人笑，好易啫，我都做到啦！」當時坐在他身邊的俞琤贈言﹕「台上幾分鐘，台下十年功！做多啲準備工夫啦，細路！」以為「講嘢」易賺錢，結果令他熱中「講嘢」而做節目主持，更邁進台上棟篤笑之路。
至於黃子華，他讚口不絕的說﹕「我睇過他的演出，真的好好功力，他是讀哲學的，所以說的內容好有含意，可以聽落有意思。而我呢，就是讀社會大學，我用在台上的說話與動作都是來自社會各階層，所以演繹方式都有不同。」
話題敏感懶理得罪人
「現在才真正感受到做棟篤笑真的不簡單，怎樣可以令觀眾笑？有時未必一定中，有一些以為帶過就算的話題，卻原來觀眾好受，所以每晚觀眾的反應就是我最直接的課題，正如報紙的內容與起題，有時題目搶眼就能夠令讀者印象深刻記得，亦如內文一段話就打入讀者腦中，我同樣是要把說話讓觀眾笑完重會記得，不停講，不停傳開去。」林海峰認為他的性格夠敏感與八卦，的確幫到他可以留意更多社會事物。
「但我覺得敏感不代表觀察能力叻，都要同觀眾一起呼吸至得，正如報紙揀A1頭條，都會諗市民最想知是什麼新聞，太過偏離市民就不好睇。」所以他的「棟篤笑」裏，總會有市民心領神會的話題。問到他﹕「你知道有些話題或有些人會比較敏感，如果在台上提到他們，會否擔心得罪人？」
他點點頭說﹕「上台表演的時候就一定會踩鋼線，我亦遇過有藝人之後見到面唔啋我，不過藝人是有新聞價值才會有人講，自己的界線有時真的幾危險，但有危才有機，我就想『化危為機』。其實藝人如果有負面新聞的話，最好即時道歉即時解決，可能事情由輸會變贏。」
「你會否出一些周邊商品？因每次你或與阿葛的軟硬演出都會出很多商品，今次又如何？」
他選擇反璞歸真，這次不會有太多的商品售賣，他說﹕「今次只會有一張特別版專輯『我哋大家』會在現場售賣，然後就有這個粉紅色的哈哈笑襟章的商品，我希望這段時間有這個粉紅色林海峰式笑容，在大家的記憶中註腳過。」
踏入4字頭的林海峰，愈來愈愛尋找「記憶點」，因他發覺人愈年長，可以記到的事情不多，就要找深刻的事情來記。相對地，他就是想大家想到「棟篤笑」時，就記得「是但噏的林海峰」了。
文﹕魏幼芳

[/color]

[color=#C10066] 
文章資料來源:[/color] 
[color=#2F4F4F]
http://hk.news.yahoo.com/article/080214/4/5skd.html
[/color] 

[color=#C10066] 
文章刊登日期:[/color] 
[color=#2F4F4F]
2008年2月15日星期五 05:05
[/color]
 

-- 作者：德吉千瀚
-- 發表時間： 2009/09/11 09:03pm

[color=#C10066] 
[size=5] 林海峰是但口翕有厘頭
[/size]
[/color]
 
[color=#2F4F4F]
【明報專訊】現今世代，不同年齡的人都說生活有壓力，減壓的最好方法就是「笑一餐」。林海峰（Jan）本着為人尋找快樂的宗旨，每年都在紅館舉行棟篤笑，不過內容卻非「是但口翕」、無厘頭、掙一筆錢就算，因為他永遠言之有物。
Jan今年舉行棟篤笑「林海峰是但口翕我願意」，他坦言炮製內容感到很大壓力，「為人減壓，我卻漸生壓力」。問他如何令觀眾抱着笑蛋離開？他表示內容絕對保密，即使被嚴刑逼供亦不肯就範，他只說：「其中一個環節，我會為新人主持婚禮，令新人說『我願意』。」
趁低吸納彭羚現在獲利回套
1998年，Jan與彭羚在加拿大結婚，他當時可有說「我願意」？向來不說太太的Jan，雖然並無回答這個問題，但卻罕有地談及婚事。Jan笑說：「我是趁低吸納（結婚），現在是獲利回套（養家）。」當年，彭羚的歌唱事業正處於高峰期，更奪得「最受歡迎女歌星」獎，取笑Jan是「高位吸納」，反應極快的他也立即無言以對。
向電台請假一個月養聲
Jan結婚時，對太太有什麼愛的承諾？Jan誠懇地說：「她有很多事為我做了，母愛很偉大，她為女兒付出很多。」哪結婚時是否他的「Dream Wedding」？Jan借黎明過橋：「其實我已經想好棟篤笑以結婚為主題，豈料橋段被黎明演唱會用了。」問他會否請樂基兒、黎明擔任嘉賓？Jan笑說：「圈中情侶不知誰真誰假，我最想請米奇老鼠和米妮拍拖上台，『他們』有大陸市場，很遼闊。迪士尼是小朋友和成年人一起去的地方，一定適合兒童觀看。至於Hello Kitty與Daniel，『他們』沒有嘴，不會說我願意。」他笑言很多人搞錯了林海峰、林峯和林一峰，「或者請他們一起做嘉賓都好」。
在訪問中已經「是但噏」了這麼多話題，觀眾毋須擔心他開騷時「冇得口翕」，唯一害怕是他把聲，醫生指他說話太多，一定要有充足休息保養；因此，Jan在開騷前向電台請假4星期，「到時我在紅館可以一晚是但口翕幾小時」。
記者：楊敏麗
攝影：劉永銳
[/color]
[UploadFile=p0657_1252674146.jpg][UploadFile=p6787_1252674155.jpg][UploadFile=p45435_1252674165.jpg]

[color=#C10066] 
文章資料來源:[/color] 
[color=#2F4F4F]
http://news.sina.com.hk/cgi-bin/nw/show.cgi/15/1/1/1235317/1.html
[/color] 

[color=#C10066] 
文章刊登日期:[/color] 
[color=#2F4F4F]
2009-08-18
[/color]
 

-- 作者：德吉千瀚
-- 發表時間： 2009/09/11 09:36pm
[這篇文章最後由德吉千瀚在 2009/09/11 09:39pm 第 1 次編輯]

[color=#C10066] 
[size=5] 林海峰求其是但諗多
[/size]
[/color]
 
[color=#2F4F4F]
上一次跟林海峰對話已經是八年前的事，想當年話今日，林狗最大轉變是白頭多咗，煙戒咗，但係諗嘢諗多咗，唔知係咪度《是但口翕》度得多的關係，訪問途中佢不知重覆多少次：「其實我唔識點做呢類訪問，究竟係要好認真，定係亂講去娛樂大家。」再講落去，佢直頭將訪問比喻為棟篤笑，要娛樂大家、想扮瀟灑、又想講吓真話，但最離譜係佢話唔識得喺人面前搞笑，真情剖白的程度令我有點懷疑林海峰傻咗。

傻又好交心也好，林海峰將於今年9月紅館搞《是但口翕我願意》talk show，諸君大可以親臨現場，驗明正身。
　　問得奇答得怪
　　學阿Jan話事解：「人生無常，笑得一場得一場。」我發現好多林海峰訪問都係幾認真，想交心的請往下一頁，呢段想大家得啖笑，老實講，林海峰最好笑係傾計途中無端端爆肚，有時都幾痴線。
　　T：東Touch
　　J：林海峰
　　一時衝動
　　話說《是但口翕我願意》正在招募新婚或籌備婚禮的新人，得獎者有機會上台，由林狗做證婚人，萬人拍掌恭賀。
　　T：如果有人為咗想上台而打算結婚，你怕唔怕害咗人？
　　J：因為一時嘅衝動做咗，好過無做而後悔，有人可能過後會話：「早之我去報名啦。」都唔奇，冇人知究竟報名參加比賽，報名嗰個攞唔到獎，冇報嗰個又得到，冇人會知口架。
　　山頂位
　　T：今次有乜嘢同坐響山頂嘅觀眾講？
　　J：我哋平時會覺得山頂嘅觀眾一定唔係幾好，我哋個個都問山頂觀眾：「你好嗎？」你發唔發覺每一個歌手都覺得買平飛的觀眾生活困難，一定會問呢句。我今年轉而去問吓台下面嘅人，好唔好？因為今年中產受壓，情況比較嚴峻，不過可能坐上面都係中產嚟口架。
　　500蚊任砌？
　　呢個時候，《Jet》總編輯金成入咗黎跟阿Jan寒暄。
　　J：點呀，你有冇練功呀？
　　K(金成)：我就係想問你有冇繼續？

J：捱唔到呀！甩呀！
　　K：照計佢哋時間好就你口架？
　　J：就……自己懶，去到第七次，然後唔去，冇呀。自從葉問熱之後，太多反眼、單眼、跛腳走去玩詠春，成個堂好多人，報名報到慶慶烚烚，根本你係手都放唔到出去就走，你都有？
　　K：Keep住，擒日搞完。
　　J：Good吖！
　　金成呢個時候離開
　　E：我都有口架！(其實我冇學詠春)
　　J：乜嘢呀？邊啲？
　　E：嗰啲呢！
　　J：係咩？上大陸？
　　E：間唔中啦！樟木頭嘛……係人都知口架啦！
　　J：即係500蚊任砌嗰啲？係咪嗰啲？
　　AIG與C朗
　　話說今次Talk Show，AIG信用卡用戶可以優先訂票。
　　T：來季AIG繼續成為曼聯波衫贊助商，有冇感到一點欣慰？
　　J：可能曼聯冇咗C朗，個budget大番啲，今年可以支持住我。你知佢有C朗會幾heavy口架啦。
　　其實我想講AIG捱得過金融風暴，無塌檔，點知咁都俾阿Jan兜得番。

J：哇！你想陷我於不義，AIG不知幾掂，佢哋聽電話好快口架！哎，不如你話林海峰好認真咁講AIG就嚟塌，原因跟金融海嘯無關，因為太多人申請信用卡買飛，同埋打電話book飛，驚佢電話總機會塌。
　　T：今次Part II會講咩？
　　J：吓，咁快講Part II，即係要加場呀？Part II一定會講得好過Part I，因為上次做Part II，真係唔係講笑，上次做完Part I停咗個半月，好快篩走咗冇必要既嘢，死都保留大部分嘢，其實狀態好重要，因為有晒稿，行上去就得，表現上會好好多，所以你問Part II會講啲咩，Part II應該好過Part I，但你唔買Part I就唔會有Part II，所以今次先賣Part I先。
　　環法單車
　　T：最近踩單車踩成點？
　　J：最近好多嘢做，起身起得晏都踩唔到，體力上都有啲……我係用環法既裝備，踩小環法，應該係個零鐘，慢踩嗰啲，有環法既態度，岩士唐既態度，受傷都追上去。
　　其實我唔識搞笑？
　　圍繞《是但口翕我願意》，例牌問題圍繞keyart、《木偶奇遇記》Pinocchio、林狗拉長鼻的海報等，其實不值得一提，就由得觀眾自己詮釋。阿Jan有多少覺得你問我答講不到最真的說話，雙方都無得着，於是佢自告奮勇志雲上身，觸發點是我們要求他做搞笑Pose，他突然感慨自己其實不懂得在一班人面前搞笑，我哋當然無言以對。
　　J：其實我依家連訪問都唔識做，我覺得專業artist應該係咁樣，每一秒鐘都俾緊觀眾要既嘢，如果係一個comedian，喺訪問裡面要俾到每一個punch你，應該係不着邊際，好瀟灑，但係我又想講吓真話，其實好似喺台上應該有嘅掙扎，你其實知道表演時呢啲嘢係娛樂觀眾，但有時都要攞真嘅嘢出嚟，你先至會講到感動人嘅嘢，個笑聲可以感動人，笑聲後都可以感動到人。所以剛才有啲亂答係娛樂緊大家。有時做完訪問，知道大家無嘢攞走，係白做，所以會珍惜機會去攞到最好聽嗰part。
　　搔不着癢處的訪問不如不做，坦誠相對，大家又是否有興趣知道，我懷疑。
　　J：talk show有趣之處係有晒既定題目，當我對住你時候，我點同你講，然後你點回應我，我又點再同你傾落去，所以訪問就等於做緊stand up一樣，我哋要攞最真嘅嘢出嚟，呢個moment我諗到係我從來都唔識做訪問，我唔識點樣去搞笑，或者軟硬舊時係啦，其實我哋都唔係做太多(誇張動作)，或者係造型好笑之口麻。
　　T：呢個係你覺得者，睇咗你十幾廿年既觀眾唔會咁覺得。我反而覺得你即興仲好笑啲。
　　
資料來源 : 東TOUCH
J：係啊，我覺得觀眾有時就要睇呢樣嘢，我哋好似共同呼吸，因為你唔係喺櫥窗表演，好似睇現場live DVD，聽到唔同嘅味道，包括心跳聲、呼吸聲，stand up最寶貴係呢個地方，現場我講睇到你個樣。究竟觀眾點樣react？聲音高低、節奏、狀態，係好有趣，俾到我個滿足感好大。」
　　林海峰可算是染上嚴重棟篤癮，他坦言過去8個月以來實在頂不住，要再搞《是但口翕》去止癮。
　　T：點解你當初咁夠膽做棟篤笑？觀眾笑唔出好大鑊。
　　J：第一次想做已經係好多年前的事，講咗好多次，我同自己講你再唔做就唔駛做，坦白講，我真係諗緊點樣再變另一樣嘢出嚟，有時唔係話你想有就有，可能時機未到，可能兩、三年先有機會，可能冇機會，不過，楝篤笑係一個好好的課餘消遣。
　　T：如果真係比較你同黃子華的楝篤笑，你好似多好多金句，同埋我覺得黃子華的爛仔形象好清晰，相對嚟講你較為模糊。

J：子華都好多金句口架，好多記到今日口架。我覺得係有班愛你嘅人同憎你嘅人幫你傳開去。形象問題，可能同出身有關，你講嗰啲其實係睇緊子華個人，當初佢點入行，面對咩困難，點入行等，大家都知，呢啲係最好睇，睇佢每年有咩轉變，我睇子華棟篤笑都係，發現佢個人又唔同咗㺪，有時已經唔係睇好唔好笑。你可能會話我包裝緊個show梗係咁講啦，觀眾俾幾百蚊入嚟，梗係笑餐懵，唔好同我講嘢……不過可能我哋真係諗多咗。
　　T：我認識的阿葛喺幕前好搞笑，做嘢時卻嚴肅到不得了，同你係咪有啲相似？
　　J：我唔係一個好演員，阿葛好知道今日我嚟take呢個role，係嚟娛樂緊你，我係「娛樂葛民輝」，工作時係「工作葛民輝」，你聽佢做節目，「點吓你？結婚點呀你！」我理解呢啲係professional，入到個戲軌。我就絕對唔係呢一隻，但我又選擇做呢一行，應該話大家咁橋撞彩入到嚟，有時我發現我唔適合做呢行，我唔鍾意響人面前講嘢，唔識專登逗大家開心影相，(T：但你又知你有呢個能力。)但我又知自己有呢個能力，又好享受喺台上大家水乳交融的感覺。
　　我一廂情願以為很多人default已經知林海峰是誰，實情未必係咁。

J：講到新相識，我有個故仔成日提醒自己，我去中環九記食牛腩，九記最出名係牛腩，但時不時有人走入嚟問有冇油菜，佢一向只係賣一樣嘢，竟然有人冒名入嚟問有冇油菜，有一次仲離譜有人問呢度有冇飯口架，癲到係咁，喂，九記咁出名，幾廿年歷史，你冇理由唔知吓話。呢件事提醒你無論係幾完整的brand，總有新客去吸收，好似我做《晴朗》每朝早都要講：「我係林海峰。」你隨時要有心理準備迎接新客仔，坐享其成只會被淘汰，我時刻都提醒自己「九記」呢個故仔。
[/color]
[UploadFile=fi0001324538_sm2_1252674570.jpg]
[UploadFile=fi0001324539_sm2_1252676075.jpg]
[UploadFile=fi0001324540_sm2_1252676091.jpg]
[UploadFile=fi0001324541_sm2_1252676101.jpg]
[UploadFile=fi0001324542_sm2_1252676111.jpg]
[UploadFile=fi0001324543_sm2_1252676147.jpg]
[UploadFile=fi0001324544_sm2_1252676156.jpg]
[UploadFile=fi0001324545_sm2_1252676164.jpg]

[color=#C10066] 
文章資料來源:[/color] 
[color=#2F4F4F]
http://www.hkheadline.com/ent/ent_content.asp?contid=60478&srctype=g
[/color] 

[color=#C10066] 
文章刊登日期:[/color] 
[color=#2F4F4F]
2009年8月10日
[/color]