-- 作者： Cozy -- 發表時間： 2006/02/07 11:45pm 今日係大年初一，狗年其實未到。二月四日年初七上年七時二十八分先至係立春，立春之前出生嘅嬰孩，仍然屬雞，唔係屬狗。 八卦邱年年都同左丁山講吓立春之日嘅八字，憑此預測吓流年。預測呢樣嘢，好難話信得晒，新年流流，講吓無妨。二○○五年一月二十九日本欄講「雞年防詐」，引述八卦那講雞年立春八字指示雞係土雞，飛唔起，股市頂多平穩發展，股民揾到入至十個巴仙嘅話，應該滿足，而旦安防範奸詐欺騙之事。現在睇番一年前今日之言，起碼中小小，○五年股市只係微升，年內內地啲淡水魚及其他食物「裝假用毒」之事，層出不窮，過年前日本股市大幅下跌(好彩又升番)，肇因係「活力門」虛報帳目，欺騙投資者，還有英格蘭艾歷臣祝小報所騙，又幾符合噃。 [color=#DC143C]八卦邱話狗年立春八字係丙戌年庚寅月甲子日戌辰時，五行有二木三土一金一火一水，金木水火土齊全，戌屬狗，立春日係甲子日，呢隻狗係木狗，應該唔會咬人，更唔識走動，擺嗰樣而已，幾可愛，當呢隻木狗係玩具可也。凡正月甲木，因初春尚有餘寒，要有太陽曬，要有雨水養根潤木，先至可以生機篷勃，太陽係丙陽火，雨水就係癸陰水，八字之中，丙透天干，寅木內藏丙火，所以丙火足夠。癸水呢，藏於子亦藏於辰，故此係丙透癸藏，水火兩用也。[/color] [color=#DC143C]八卦邱話:「丙戌年春八字，甲木身強，好過舊年，以此推論，○六年有希望喎，甲木乃樹木之木，係剛直嘅象徵，今年啲老實人應該行運嘞，唔會好似雞年咁，提防受騙，而且狗亦係忠實忠心嘅，加上甲木，主今年壞人必定愛揭發，無所遁形，honesty is the best policy。木旺就生火，屬火之行業與火命之人，會興旺一啲。不過木旺就土死 (木剋土)，地產業麻麻啫喎。」左丁山話無謂咁多囉，淨係預測今年好過舊年，老實人得意，就已經大快人心啦。[/color] [color=#0000FF]唉.....望係咁望啦......[/color]  :em03: