-- 作者： Lemon -- 發表時間： 2004/12/30 10:26pm [b]棺材鋪[/b] 開棺材鋪就梗係唔老禮, 最緊要o既兩個禁忌, 就係 1)一定要係日落之前收工, 廢事o的遊魂野鬼走入o黎啦。 2)一定唔可以貪得意訓棺材, 生人訓死棺, 你o地話又幾唔老禮喇。 俾錢都唔制啦。 [b]記者[/b] 通常o的意外o既人通常都血跡斑斑, 面目全非o架啦,聽講話記者去到意外現 場, 千其唔可以講好核突呀, 對死者or 意外者不敬o既說話, 如果唔係佢o地真 係會跟住你。 [b]空姐[/b] 以前o既空姐通常都會養龜,寓意『歸』來o既意思, 因為好多時佢o地身在外 地, 客死異鄉就唔好啦。 [b]理髮鋪[/b] 理髮鋪依定o野最多係乜？鏡也！ 中國傳統, 鏡不祥也,如果你唔小心打破鏡, 我外婆話衰一年 。 所以舊o既理髮鋪收工之前, 都會將毛巾cover 哂所有o既鏡先會收鋪。 就係廢事俾o的鬼走入去。 [b]警察[/b] 我諗好多人都聽過喇。就係無論點都好, 晚上行beat , 千其唔可以除帽。 所以你o地睇佢o地追賊都係按住頂帽去追o架。 點解關頂帽事？ 聽講話帽頂頂花, 好大殺氣, 無鬼夠膽攪你。 仲有就係係凶殺案現場, 都會莊住香先。 等被害o既『人』幫o下手, 等佢快o的尋冤得雪 -- 作者： Lemon -- 發表時間： 2004/12/30 10:31pm [b]導遊[/b] 帶團通常最多時間同團友一齊o既時間就係係架巴士度。 係巴士度, 導遊就梗係吹o下水, 唱o下歌, 講o下鬼古。 但聽講話如果去緊一間酒店o既journey 就唔可以講o果間酒店o既鬼古。 因為o的酒店閑閑地幾百年歷史,覺得你對佢不敬就唔好啦。 [b]搭棚[/b] 唔好睇小依個行業呀,好多裝修重建都係要搭棚o架。 搭棚師傅成800蚊一日, 開足工幾皮o野一個月o架。 原來搭棚o既竹, 分新竹同舊竹。 所有臨搭棚o既竹, 都要莊香拜過1日1夜先可以上棚。 如果唔係就好容易會有意外咁話。 [b]巴士司機[/b] 好似係車廠出車之前, 響一次大『安』 目的都係叫o的朋友仔落車, 俾o的晨光第一線照親就唔好啦。 [b]救生員[/b] 老一輩o既救生員, 都覺得有人遇難,除o左泳術唔掂之外, 都會覺得係水 鬼作怪。 如果佢o地救o左一個人上水, 就算真係無o左氣都好,都要係佢o地耳邊不 停講,『你未死o架, 你都未斷氣, 快o的醒番之類o既說話』目的就係想等 o的水鬼信以為真, 離開遇難者。咁佢o地就可能會救得番。 [b]騎師[/b] 騎師o既禁忌呢~~~ 就係騎師裝束上任何一樣o野都唔可以『掛, 尢其尢其係對掛鞋(音-her), 掛her 即係retire, 離開馬場也。 聽講話幾年前有個好出名o既騎師唔信邪, 掛o左對her , 之後一落埸隻馬突然癲o左個騎師跌o左落馬, 斷o左條大骨, 從此係馬場上拜拜。 -- 作者： Lemon -- 發表時間： 2004/12/30 10:36pm [b]仵作[/b] 乜o野係仵作, 仵工？ o拿, 每當o的人死o左, 都有人o黎收拾條『咸魚』o架 仵工, 就係o果o的咁偉大o既人。 佢o地仲有一樣o野做, 就係將o的舊o既『咸魚』係棺木度囉起上o黎, 削骨去肉, 之後去入金塔呀or 入火化, 再放係骨灰堂恭放。 o的咁敏感o既行業, 細o既禁忌講三日都講唔哂, 咁我不如講個最緊要o既禁忌俾大家聽。 就係無論點都好唔可以唔見o左『人o地』身體o既任何一塊骨。 如果唔係就會得到同樣o既報復。 我個朋友話, 有個仵工唔小心唔見o左『人o地』個下巴。 又唔向『人o地』say 個大sorry , 之後一個星期發生交通意外, 成個身一個傷口都無, 剩係撞(luck)o左成個下巴, 你o地話得唔得人驚？ 我聽到心都寒哂~~~~~~~ [b]黃大仙解籤佬[/b] 其實依個行業o既禁忌, 我真係覺得幾無聊, 之不過搵o左就順手打出o黎, 各位大佬千其唔好串我, 因為唔關我事o架。 黃大仙解籤佬o既禁忌, 就係唔可以講大話, even 有個病到半死o既人, 求到健康o既下下籤, 都一定要講出真相, 依籤直說, 如果唔係就會應驗係自己度。 聽落我覺得似係專業操守, 多過係禁忌。 [b]漁民[/b] 十個漁民十個都信天后, 希望風條雨順。 初一十五食齋呀, 依o的我諗個個都會知。 但係佢o地有一個禁忌, 就係如果捉到一種叫做『車輪魚』o既魚, 一定一定要掉番落海放生, 聽講話捉到都已經會行衰運, 如果唔信邪, 分分鐘連命都無。 所以係街市, 大家從來都未聽過依種叫『車輪魚』o既魚, 就係咁解喇。 -- 作者： Lemon -- 發表時間： 2004/12/30 10:37pm [b]的士司機[/b] 其實依個禁忌, 我諗依家搵食艱難, 已經變得再唔係一個禁忌, 寧願無錢定見鬼, 我諗宜家真係驚無錢多o的。 佢o地o既禁忌就係唔想駕入掘頭路, 驚有入無出, 好容易掉頭o既時間見到污漕o野。 之不過好多司機, 驚無tips 已經唔會再信乜o野禁忌lu。 -- 作者： Lemon -- 發表時間： 2004/12/31 00:58pm [b]苛官[/b] 即賭場係派牌,好多人都知賭場其實已經係一個有入無出o既風水 陣。 每一張木台, 每一個裝飾都係加強陣o既力量。 葡京係裝修到好似一隻蝙蝠咁, 每分鐘都吸緊人血。 仲有一樣o野唔知大家知唔知。 點解唔俾18歲以後o既人入場？ 當然係政府條例, 仲有一個reason。 原來係因為賭場通常都會養鬼仔, 等佢o地鬼?腳, 贏錢都要輸番出o黎,通常養鬼仔都係要o的0-6歲o既小朋友, 如果有小朋友 入o 左 場跌o左件玩具係度, o的鬼仔掛住玩玩具唔去做o野,咁咪大鑊。 聽講話有次有個小朋友唔知點解入到葡京, 之後係度大喊。 攪到葡京收o左半日工, why ? o的鬼仔俾佢喊一喊唔知去哂邊。 咁你o地話小朋友係咪打死都唔俾入賭場喇。 -- 作者： Lemon -- 發表時間： 2004/12/31 01:00pm [b]妓女[/b] 無錯係妓女 話明72行禁忌, 最古老o既行業就一定有份啦。 以前窮o既家庭, 真係會賣個女俾o的妓院,之後等到14,5 歲就賣俾 o 的 有錢佬同佢開苞,開苞就一定要封利是啦, 個有錢佬就會收起有血o既床 單or 手帕, 因 為佢 o地覺得同後生女仔做會身體健康。 妓女有一個好大o既禁忌,就係拜神o既時候o既雞一定一定要係成隻上, 係 全 體 上。 係人都知妓女又叫雞, 試諗o下點會用一隻無o左手, 無o左頭o既雞 去拜神 先 ？ 咁咪o者係話自己無手無頭？ [b]死人化妝師[/b] 依個真係恐怖行業中o既XO , 所以我先留番最後寫。 日日都對住o的新鮮o既咸魚, 就咪話唔驚。 咁多個行業o既禁忌, 依個都算最恐怖。 就係話『一日入行, 終生不得轉行。』 如果唔係信邪轉行, 最終都會番番o黎幫o的『大佬』化妝。