-- 作者： tkm -- 發表時間： 2004/11/18 09:20pm 批命隨口 [color=blue] ............ 芸芸足球特刊之中，《明報》星期日足球特輯比較突出，選材有眼光，特寫夠醒。例如上星期講荷蘭兩大前鋒古華特與雲尼斯達萊就好過癮。睇先至知：古華特與雲尼斯達萊係同年同月同日生（一九七六年七月一日），際遇迥異，古華特少年得意，十九歲就為阿積士射入一球，擊敗祖雲達斯歐洲聯賽冠軍盃，當時雲尼斯達萊重係踢緊荷蘭乙組。但現在呢？雲佬炙手可熱，係曼聯第一前鋒，而古華特就經常屈居紐卡素後備。 呢個故事寫得好好，閱讀性頗高，點知香港編輯鍾意八卦（佢以為讀者鍾意八卦），係要加個box，從玄學角度講同年同月同日生，因出生時辰不同，影響命運，重話問玄學家麥x玲指點迷津，於是露出馬腳。《明報》記者指一九七六年七月一日即係農曆丁未年丙午月丙寅日，麥x玲評論話該日五行不調，火旺，上午九時至下午三時出生的人，由於太陽影響，令火更旺，五行不能調和，命運不大理想，三時後至黃昏出生，命運較佳，雲尼斯達萊可能在這段時間出生。 一九七六年係龍年，點會係丁未年（羊年）呀？唔信。於是翻查萬年曆，咦，一九七六年七月一日係丙辰年乙未月甲寅日，與《明報》所寫之丁未年丙午月丙寅日完全不同，記者唔識八字算命，寫錯唔出奇，但玄學專家唔查清楚萬年曆，照 [批] 可也，又係幾出奇。 [/color] [img]http://appledaily.atnext.com/adoinfile/Section_Logo/255.gif[/img] 左丁山 2004年11月18日 Appledaily -- 作者： hehehaha -- 發表時間： 2004/11/19 01:01am Funny !!! -- 作者： 辭修 -- 發表時間： 2004/11/19 02:13pm quote// 但玄學專家唔查清楚萬年曆，照 [批] 可也，又係幾出奇。 [color=#DC143C][size=5]世上誰又夠格稱玄學家???笑笑別當真!![/size][/color] :em03:  :em03:  :em03: -- 作者： 餘奴犯主 -- 發表時間： 2004/11/20 04:46am 好犀飛利！ -- 作者： 本有正念 -- 發表時間： 2004/11/20 07:34am ^_^ -- 作者： 去如風 -- 發表時間： 2004/11/20 01:43pm 真神奇！！！