-- 作者： 少帥 -- 發表時間： 2004/11/07 08:21pm iPod Photo換彩芒 駁電視齊睇相 2004-11-06 更新   【太陽報專訊】要在MP3機上加個彩芒實際不難，不過愈話唔加就愈能吊大家的癮。當第四代iPod推出之前，已傳有彩芒版本，Steve Jobs亦曾表示過iPod只是用來聽歌，言下之意似乎是話iPod唔會好似其他PMP一樣有齊聽歌、睇相功能。但iPod Photo就唔同，既可以加入彩芒睇相，亦能夠直駁上電視播放幻燈片，最緊要的是又可以吸納多一批擁躉！ 睇睇iPod Photo的外形同40GB容量第四代iPod完全一樣，換就只換上一塊彩芒，觀感上當然會更加誘人。彩芒最大用途當然是可令操作介面變得更漂亮，連帶亦可以在播放歌曲的同時，加上彩色的大碟縮圖，並非只睇文字咁單調。 首置彩芒變電子相簿 廣 告以Apple的作風，功能當然不止咁簡單，今次更可以經由新版iTunes 4.7將數碼相片同時Auto-Sync到機內睇相，還可以使用跟機附送的AV線連上電視睇相，由單純的MP3機變身成電子相簿。當然這個電子相簿是可以加入背景音樂，可以一邊睇相片Slide Show的同時，一邊聽MP3，而且亦可以設定相片的轉換效果，設計都算幾創新！不過在iPod Photo上顯示縮圖時，Load相時感覺略慢，不過用上Click Wheel前後揀相就相當順暢。 操作長達十五小時 iPod Photo配上彩芒後，理應會比較「食電」，但iPod Photo的操作時間竟然可達十五小時，比原來第四代iPod還要多三小時，如果睇相的話則有五小時，因此只是返工、放工時開機聽歌、間唔中拎出來睇相的話，都應該可以用足一星期先需要充電。既要貯相又要貯歌，容量點都要造得較大，iPod Photo設有40GB及60GB兩種容量，比第四代iPod時的40GB還要再進一步，最多可以貯存到一萬五千首MP3或二萬五千張數碼相片，不過價錢方面就相對幾高，買機前都要考慮考慮。 新iPod Photo 售價／容量 $3,800 40GB／$4,600 60GB 網址：appleclub.com.hk 同場加映：搶眼U2特別版iPod 雖然無用上彩芒，但從筆者身邊的同事及行家反應去睇，U2特別版iPod分分鐘比iPod Photo更受歡迎，黑色機面加上紅色Click Wheel的絕配，實在靚得無話可說，是不是U2 Fans已不是大問題。當然如果是U2 Fans的話，更值得收藏，機身背面的鏡面上更用上激光刻上U2四名成員的簽名，而且之後更可以用特價購買U2完全版數碼音樂。更值得要睇的是由U2參演的iPod新電視廣告，除了「Cool」同「型」之外，再想不到有其他形容詞了。 推出日期：十一月中 容量：20GB 價錢：$2,700 新配件 iPod Sock六色靚襪 可以想像到情況是：當iPod用家在貨架上見到iPod Sock後，一定雙眼放光，然後毫不猶豫即時付錢。iPod Sock不是可以幵上腳的襪，但就可以從腳到頭笠幵部iPod或iPod mini，一包更有齊六隻顏色，天天可以換新款出街。依Steve Jobs的幽默說法，iPod Sock的出現是怕iPod冷親，為它保暖，但講真保護性實在有限，擺明係演卄成分達百分之九十九，但又唔可以唔買的Gadget！ 推出日期：十一月中 價錢：29美元（折約$226） -- 作者： 少帥 -- 發表時間： 2004/11/07 08:22pm 外形與四代相同